AİF prezidenti Osman Gündüz ölkədə internetin keyfiyyəti  məsələsinin cari ildə AİF tərəfindən prioritet kimi qəbul edildiyini bildirib. Bu istiqamətdə AİF tərəfindən təkliflər  paketinin hazırlandığını, sistemli  formada tədbirlərin həyata keçiriləcəyini  qeyd edib. Artıq bununla  bağlı zəruri informasiyaların açıqlanması məqsədilə  RİTN və Delta Telekom şirkətlərinə də rəsmi sorğuların göndərildiyi vurğulanıb. AİF prezidenti həyata keçirilən sorğunun da məhz ölkə internetindəki real vəziyyəti aşkara çıxarmaq , mövcud vəziyyət və keyfiyyətin yaxşılaşdırılması istiqamətində atılacaq addımlarla ictimaiyyəti tanış etməkdən ibarət olduğunu qeyd edib

AİF üzvü, Parketinq.com saytının rəhbəri İlqar Mirzə keçirilən sorğunun  nəticələri ilə ətraflı şəkildə media iştirakçılarını  tanış edib.  O, 400 ADSL istifadəçi arasında keçirilən sorğuinun nəticələri haqqında aşağıdakıları açıqlayıb.

Sorğuda iştirak edən ADSL istifadəçiləri Bakı şəhəri üzrə -82%, Sumqayıt – 7%, Xırdalan – 3% və digər regionlar üzrə 7% olub. Sorğuda iştirak edənlərin çox hissəsi – 20% Bakinternet in müştərisi olub, Connect (17%), Uninet-Stream (16%), Azeronline (14%), Ultel (8%) və Aztelekom (7%) olub.

Respondentlərin 20,8%-i göstərilən xidmətdən razı olduğunu bildirib. Rəyi soruşulanların 44,5%-i İnternet əldə etməklə bağlı hansısa formada problemlərlə üzləşdiyini, 34,7% isə ADSL xidmətdən qətiyyən razı qalmadığını qeyd edib. Xidmətindən ən çox narazılıq olan provayderlər Bakinternet (müştərilərinin 47% tam olaraq narazıdırlar), Aztelekom (45%) və Ultel-dir (39%). Ən pis vəziyyət Aztelekom-da müşahidə olunmuşdur – sorğunun nəticələrinə görə, bu provayderdə razı abonentlərin faizi 0-a bərabərdir.
Razı abonentlərin sayı isə Superonline və Azeronline müştəri arasında nisbətən daha çoxdur.

Sorğuda iştirak edənlərin 57%-i müqavilədə nəzərdə tutulan İnternet sürətini almadığını, 51%-i qoşulmanın tez-tez qırıldığını, 36%-i qiymətin bahalılığını, 31%-i isə müştəri xidmətlərinin və texniki dəstəyin aşağı səviyyədə olmasını bildirib. Bütün provayderlərdə qırılmalardan şikayət yüksək olsa da, ən yüksək faiz Bakinternet, Connect, Ultel və Dataplus provayderlərində müşahidə olunub. Razılaşdırılmış sürəti almadığından isə ən çox Aztelekom (70%), Uninet-Stream (62%), Azeronline (62%) və Bakinternet (61%) abonentləri şikayət edirlər.

Sorğunun nəticələrinə əsasən müştəri xidmətlərinin ən aşağı səviyyəsi Bakinternet (46% narazı), Ultel, Aztelekom, və Dataplus-dadır. Nisbətən yaxşı müştəri xidmətləri isə Azeronline və Superonline-da müşahidə olunmuşdur.

Ümumi olaraq, ADSL xidmətinə qoşulma müraciətlərinin provayder tərəfindən icrasından müştərilərin 15% narazıdır. Bu məsələdə ən az şikayət dövlət provayderlərində – Aztelekom və Bakinternetdə, həmçinin Ultel və Uninet-Stream-dədir. Gec qoşulmadan ən çox şikayətlənən Superonline və Dataplus istifadəçiləridir.

Provayderlərin hansı parametrlərinə görə seçilməsi sualında respondentlərin 26%-i seçimin olmaması ucbatından istifadə etdiyi provayderi seçdiyini bildirir. Sorğuda iştirak edən Dataplus müştərilərinin 63%-i, Aztelekom müştərilərinin 59%-i, Bakinternet müştərilərinin 49% və Ultel müştərilərinin 36% -i bu provayderi alternativ seçimləri olmadığı üçün seçdiklərini qeyd ediblər.

AİF
492 44 44
www.aif.az

Belə ki,  ATS –lərin  resurslarından istifadə dən  Provayerlərin hər  bir  ADSL  müştərisinə  görə  ATS-lərə ödədikləri rüsumların  açıqlanması,  RİTN tərəfindən Tarif  Şurasının xəbəri olmadan müəyyən olunan  tariflərin açıqlanması, hər bir Provayderlərin ADSL  müştərilərinin  ayrılıqda sayı  haqqında məlumatların , bazarda hökmran mövqe tutan və RİTN -ə tabe olan dövlət  provayderlərinin gəlirlərinin və  xərclərinin açıqlanması nazir
Əli Abbasovdan  xahiş olunub.
Müraciətdə  bir  sıra hallarda RİTN tərəfindən internet  xidmətinin göstərilməsi üçün  müəyyən edilən  bəzi  tariflərin qonşu ölkələrlə  müqayisədə 10 dəflərlə  baha olması qeyd edilib.

Müraciətdə Delta Telekom şirkətinin  internet  bazarında  hökmran  mövqedə olması və  bu səbəbdən də İnformasiya əldə edilməsi  haqqında Qanuna  görə ictimai informasiya  sahibi olması qeyd edilib.

Delta Telekom  şirkəti  tərəfindən 2-ci  səviyyəli  Provayderlərə  satılan internetin  həcmi  və  sürəti ilə  bağlı  məlumatların hər  bir  Probvayder üzrə açıqlanması, şirkətin prezidenti Ramazan Vəliyevdən  xahiş olunub.

AİF
4924444
info@cit.az

Azərbaycan İnternet Forumunun növbəti toplantısı keçirilib.
Toplantıda Azərbaycan İnternetinin keyfiyyətinin yaxşılaşdırılması istiqamətində atılan addımlar, Milli İnternet Müsabiqəsinin Əsasnaməsinin təkmilləşdirilməsi , .az  domeninin qeydiyyatının legitimləşdirilməsi ilə  bağlı məsələlər müzakirə olunub.

AİF tərəfindən İnternetin keyfiyyəti ilə  bağlı aparılan Monitorinqin nəticələri acıqlanıb. Toplantıda son illərdə internetin qiymətinin xeyli dərəcədə endirilməsi bir daha müsbət  hal  kimi dəyərləndirilib və bunun nəticəsində genişzolaqlı istifadəçilərin sayının xeyli artdığı bildirilib. Bununla  belə Azərbaycan internetinin keyfiyyət probleminin son dövrlərdə kəskin dərəcədə pisləşdiyi bildirilib.  Müvafiq  qurumlar tərəfindən bu istiqamətdə yetərli və təsirli tədbirlərin görülmədiyi  qeyd edilib. Müzakirələrin yekunu olaraq keyfiyyət probleminin aradan qaldırılması üçün səmərəli Təkliflər  hazırlanıb və müvafiq  qurumlara təqdim edilməsi nəzərdə tutulub.

Təkliflər içərisində ölkənin əsas internet təchizatçısı olan Delta Telekom şirkəti tərəfindən hər bir 2-ci səviyyəli provayderə satılan İnternetin həcmi ilə  bağlı rəqəmlərin, RİTN tərəfindən Provayderlərin genişzolaqlı müştəriləri haqqında məlumatların açıqlanmasının vacibliyi, 2-ci səviyyəli Provayderlər üzərində müvafiq  qurumların nəzarətinin və ictimai nəzarətin gücləndirilməzinin zəruriliyi qeyd edilib. Eyni zamanda son dövrlərdə ölkə İnternetinin istifadə etdiyi telekommunikasiya infrastrukturunun, kabel şəbəkəsinin mövcud standartlara cavab verməməsi və keyfiyyətsizliyi ucbatından sürətli internet trafikin ötürülməsində də ciddi problemlərin yarandığı qeyd olunub.

AİF- in toplantısında Milli İnternet Müsabiqəsinin ( Milli Net_2010 ) Əsasnaməsinin təkmilləşdirilməsi istiqamətində müzakirələr  aparılıb. Əsasnaməyə qəbul edilən əlavə və dəyişikliklər  əsasən Müsabiqənin daha şəffaf, ədalətli və peşəkar keçirilməsinə yönəlib.

AİF- in toplantısında .az  domeninin qeydiyyat prosesinin qanunvericiliyə və beynəlxalq normalara uyğunlaşdırılması istiqamətində görülən işlər müzakirə edilib. Edilən müraciətlərə  baxmayaraq bu istiqamətdə RİTN tərəfindən heç bir konstruktiv addımların atılmadığı təəssüflə  qeyd  edilib. .az  domeninin qeydiyyatı ilə  bağlı   problemlərin aradan qaldırılması, qanunvericilikdə nəzərdə tutulduğu qaydada internet ictimaiyyətinin maraqlarına  cavab verən tənzimləmə mexanizminin yaradılması istiqamətində görülən işlərin davam etdirilməsi vacib hesab edildi. Problemlə bağlı RİTN  qarşısında piket keçirilməsi ətrafında, problemin məhkəmə perspektivi ətrafında  müzakirələr  aparıldı.  .az domeninin  qeydiyyatının tənzimlənməsinə aid  qanunvericilikdə nəzərdə tutulan müddəaların şərh edilməsi üçün müvafiq qurumlara müraciət  edilməsi nəzərdə tutuldu.

AİF
Tel :    492-44-44
Veb:   www.aif.az
E-mail: info@cit.az

6 mart  tarixindən etibarən AİF -in mütəxəssisləri  və bir  sıra ekspertlər tərəfindən  baş  verən  məhdudiyyətlərin mahiyyətinin araşdırılması, problemləri törədən səbəblərin müəyyən edilməsi istiqamətində intensiv işlər aparılmışdır. Aparılan  araşdırmalar nəticəsində müəyyən olunub ki, həqiqətən də bir sıra Provayderlər  vasitəsilə adı çəkilən  resursa girişlə  bağlı ciddi əngəllər var. Provayderlərin də bir  çoxu  ölkə daxilindən bu resurslara girişlə  bağlı şəbəkədə müəyyən problemlərin olduğunu, lakin onlar tərəfindən hansısa süni əngəllərin yaradılmadığını  qeyd ediblər.  Adı çəkilən resursa  digər ölkələrin ərazisindən giriş sərbəstdir.
Ölkənin əsas internet təchizatçısı olan Delta Telekom şirkətinin mütəxəssisləri adı çəkilən informasiya resursuna  girişin məhdudlaşdırılmasının texniki problemlərlə bağlı ola biləcəyini vurğulayıblar.

Bununla  belə problemin mahiyyətini tam dəqiqliyi ilə müəyyən etmək, saytlara girişi əngəlləyən səbəbləri konkret müəyyən edib aradan qaldırmaq mümkün olmamışdır.

İstifadəçi auditoriyası kifayət  qədər  geniş olan bir  informasiya  resursu ilə bağlı ölkədə yaranmış bu vəziyyət cəmiyyətdə birmənalı qarşılanmayıb. AİF təəssüflə bildirir ki, problemin mahiyyəti və səbəbləri ilə bağlı  vaxtında məlumat verilmədiyindən bununla  bağlı ölkə daxilində və xaricdə həqiqətə uyğun olmayan məlumatların da yayılmasına rəvac verilib.

AİF  bildirir ki, istənilən halda vətəndaşların informasiya  hüququnun əngəllənməsi, normal informasiya mübadiləsinin pozulması yolverilməzdir. AİF xatırladır ki, heç bir  hüquqi əsaslar olmadan, həmçinin, texniki-texnoloji problemlərin yaşanması üçün ciddi əsaslar olmadığı bir şəraitdə  informasiya resurslarına girişin mümkün olmaması vətəndaşların informasiya azadlığının, normal informasiya mübadiləsi aparmaq  hüququnun pozulmasıdır.  Bütün bunlar isə sonda , heç bir əsas olmadığı halda, Azərbaycanın bu sahədə əldə etdiyi uğurları, ölkənin   beynəlxalq imicini də  ciddi  zərbə altında  qoya  bilər.

AİF problemlə bağlı  təcili olaraq aidiyyatı qurumların, Delta Telekom şirkətinin məsləyə rəsmi münasibət bildirməsini, problemin aradan qaldırılması istiqamətində müstəqil ekspertlərlə birgə ciddi tədbirlərin görülməsini zəruri hesab edir.

AİF
Tel :    492-44-44
Veb: http:// www.aif.az
Email: info@cit.az

Məktubda son dövrlərdə  bəzi  RİTN rəsmiləri  tərəfindən bir  sıra  domen  adlarının qeydiyyatına məhdudiyyətlər  qoyulması ilə  bağlı İNTRANS   şirkətinə ünvanlanan məktubun  da  vəziyyəti daha da  pisliyə doğru dəyişdirdiyi qeyd edilib.
Əlaqədar qurumların iştirakı təmin edilmədən RİTN-nin qeydiyyat prosesinə qeyri-qanuni  müdaxiləsinin bürokratiya və hətta korrupsiya üçün zəmin yaratdığı vurğulanıb.

Məktubda   milli internet ünvanların qeydiyyatının Telekommunikasiya haqqında  qanunda və beynəlxalq normalarda nəzərdə tutulduğu qaydada legitimləşdirilməsi istiqamətində addımlarım atılmasının vacibliyi qeyd edilib. Müraciətdə bu məsələnin internet ictimaiyyəti üçün kifayət qədər ciddi əhəmiyyət kəsb etməsi, problemin həlli  istiqamətdə artıq ictimai müzakirələrə başlanılması,  AİF üçün  bu problemin cari ildə prioritet olması vurğulanıb.

Müraciətdə tənzimləmə ilə  bağlı qanunvericilikdə nəzərdə tutulduğu qaydada əlaqədar  qurumların müəyyən edilməsi, razılaşdırılmış Əsasnamə Layihəsinin hazırlanması, əlaqədar qurumların iştirakı ilə tənzimləyici  ictimai bir  qurumun formalaşması prosesinə start verilməsinin zəruriliyi qeyd edilib

AİF
www.aif.az
492-44-44

Toplantıda Qeydiyyat sahəsində sərbəst və azad rəqabət mühitinin , qeydiyyatlıların seçim meyarlarının və şəffaflığın olmadığı, inhisarçılığın mövcud olduğu, Online sisteminin yaradılmadığı  qeyd edilib.

Toplantıda AİF üzvləri Nazim Rüstəmov, Firidun Əhmədov, Vahid Qasımov, Ələsgər Məmmədli, hazırda İCANN tərəfindən qeydiyyatla bağlı milli inzibatçı kimi səlahiyyəti təsdiqlənən İNTRANS  şirkətinin prezidenti Faiq Fərmanov, AMEA İTİ-nin nümayəndəsi Rəna Qasımova və  başqaları çıxış ediblər.

Çıxış edənlər qanuna və beynəlxalq normalara uyğun olaraq  Qeydiyyat prosesinin   qurulmasının, Qaydaların hazırlanmasının, bir daha bununla  bağlı RİTN -ə və əgər bir  nəticə əldə edilməzsə ölkə prezidentinə müraciətlərin vacibliyi bildirilib. Həmçinin milli internet ünvanların qeydiyyatının legitimləşdirilməsi ilə  bağlı qanunvericilikdə nəzərdə tutulan addımların atılmasının davam etdirilməsi,  məhkəməyə müraciət  edilməsi məsələsinin də nəzərdə tutulması vacib hesab edilib.

Cari ildə .az domeninin qeydiyyatında  qanuna uyğun şəraitin yaradılması və həmçinin ölkədə İnternetin keyfiyyətinin yaxşılaşdırılması məsələlərinin AİF üçün prioritet olacağı qeyd edilib.

Toplantıda 9 fevral Beynəlxalq Təhlükəsiz İnternet günü ilə  bağlı müzakirələr də aparılıb. Bu il dünyada uşaqların internetdə təhlükəsizliyinin təmin edilməsinə xüsusi diqqət yetiriləcəyi qeyd edilib. Hazırda Təhsil nazirliyi sistemində uşaqların İnternetdə təhlükəsizliyinin təmin edilməsi sahəsində müəyyən işlərin görüldüyü, çeşidləmə sisteminin yaradıldığı vurğulanıb. Bu işlərə dəstək məqsədilə AİF və bir  sılra digər qurumlar tərəfindən dəstəklənən Uşaqların təhlükəsizliyi ilə  bağlı www.netsafe.az Layihəsinin uğurlu alınması üçün zəruri addımlar müzakirə edilib.

AİF

25 noyabr tarixdə  Azərbaycan İnternet Forumu “İKT və Azərbaycan dilinin istifadəsi problemləri” mövzusunda Dəyirmi Masa keçirəcək.
Dəyirmi Masada  İKT sahəsində , o cümlədən İnternetdə dilimizdən istifadə ilə  bağlı mövcud vəziyyət  və problemlər  ətrafında  müzakirələr aparılacaq.
Müzakirələrdə mövcud orfoqrafiya və qrammatika qaydalarına riayət olunması, xarici dillərdə olan İKT ilə əlaqəli sözlərin işlədilməsi vəziyyəti, Azərbaycandilli saytların vəziyyəti və inkişaf istiqamətləri ətrafında  fikir mübadiləsi aparılacaq.

Sahə üzrə ekspertlərin təqdimatları olacaq.

Müzakirələrin yekunu olaraq aidiyytaı qurumlara təkliflərin hazırlanması nəzərdə tutulur.
Dəyirmi Masada dövlət orqanlarının, İKT sahəsində çalışan özəl qurumların və ekspertlərin, elm və təhsil sahəsinin, Vətəndaş Cəmiyyəti subyektlərinin nümayəndələrinin iştirakı nəzərdə tutulur.

AİF